മണ്ണഞ്ചേരി: അധികാരം അലങ്കാരമായി കൊണ്ട് നടക്കാതെ സഹജീവികളുടെ നന്മക്കായി പ്രയത്‌നിച്ച നേതാവായിരുന്ന ഇ. അഹമ്മദ് സാഹിബെന്ന് മുസ്‌ലിം ലീഗ് ജില്ല ജനറല്‍ സെക്രട്ടറി എ.എം നസീര്‍.
മുസ്‌ലിം ലീഗ് മണ്ണഞ്ചേരി പഞ്ചായത്ത് കമ്മിറ്റിയുടെ നേതൃത്വത്തില്‍ സംഘടിപ്പിച്ച അനുസ്മരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. അന്തര്‍ദേശീയ വേദികളില്‍ ഇന്ത്യയുടെ ശബ്ദമായിരുന്ന അദ്ദേഹം ദുരിതം അനുഭവിക്കുന്ന ജനവിഭാഗങ്ങളുടെ അശ്രയ കേന്ദ്രമായിരുന്നുവെന്നും അദ്ദേഹം പറഞ്ഞു.
പഞ്ചായത്ത് മുസ്‌ലിം ലീഗ് കമ്മിറ്റി പ്രസിഡന്റ് പി.എസ്. സുനീര്‍ രാജ അധ്യക്ഷത വഹിച്ചു. സയ്യിദ് ജൗഹര്‍ കോയ തങ്ങള്‍ ദുആ നിര്‍വ്വഹിച്ചു. പ്രവാസി ലീഗ് ജില്ലാ വൈസ് പ്രസിഡന്റ് എസ്. മുഹമ്മദ് സ്വാലിഹ് അനുശോചന പ്രമേയം അവതരിപ്പിച്ചു.
ഡി.സി.സി വൈസ് പ്രസിഡന്റ് കെ.വി. മേഘനാഥന്‍, സി പിഐ അസി.സെക്രട്ടറി എന്‍.പി ചിദംമ്പരന്‍, പടിഞ്ഞാറെ മഹല്‍ ഖത്തീബ് കുന്നപ്പള്ളി മജീദ്, പൊന്നാട് മഹല്‍ ഖത്തീബ് മുഹമ്മദ് ഹനീഫ ബാഖവി, ടൗണ്‍ മസ്ജിദ് ഖത്തീബ് മുഹമ്മദ് മുസ് ലിഹ് ബാഖവി, യു ഡി എഫ് നിയോജക മണ്ഡലം ചെയര്‍മാന്‍ അഡ്വ.ആര്‍. ഉണ്ണികൃഷ്ണന്‍, മുസ്ലിം ലീഗ് ജില്ല വൈസ് പ്രസിഡന്റ് അബൂബക്കര്‍ കുഞ്ഞാശാന്‍, മണ്ഡലം പ്രസിഡന്റ എസ്. മുഹമ്മദ് ബഷീര്‍, യുവ ജനതാദല്‍ ജില്ല പ്രസിഡന്റ് അഡ്വ. പി.എസ്. അജ്മല്‍ തുടങ്ങിയവര്‍ സംസാരിച്ചു.
മുസ്ലിം ലീഗ് പഞ്ചായത്ത് കമ്മിറ്റി ജനറല്‍ സെക്രട്ടറി നസീര്‍ മണ്ണഞ്ചേരി സ്വാഗതവും സ്വതന്ത്ര കര്‍ഷക സംഘം സംസ്ഥാന കമ്മിറ്റി അംഗം വാഴയില്‍ അബ്ദുല്ല നന്ദിയും പറഞ്ഞു.