തലശ്ശേരി: തലശ്ശേരി ഗുഡ്‌സ്‌ഷെഡ് റോഡില്‍ തുറന്ന ബിവേറജ് കോര്‍പ്പറേഷന്‍ ഔട്ടലെറ്റ് പരിസരവാസികളുടെ ശക്തമായ പ്രതിഷേധത്തെ തുടര്‍ന്ന് അടച്ച് പൂട്ടി. സ്ത്രീകളും കുട്ടികളും ഉള്‍പ്പെടെ നൂറു കണക്കിനാളുകളുടെ 10 ദിവസത്തെ പ്രതിഷേധത്തെ തുടര്‍ന്നാണ് ഔട്ട്‌ലെറ്റ് ഇനി തുറക്കില്ലെന്ന് തീരുമാനമായത.്
വിവിധ രാഷ്ട്രീയ പാര്‍ട്ടി പ്രതിനിധികള്‍ ചേര്‍ന്ന് രൂപീകരിച്ച കര്‍മസമിതിയുടെ പോരാട്ടമാണ് വിജയത്തിലെത്തിയത.് ഇന്നലെ രാവിലെ പുതുതായി തുറന്ന ഔട്ടലെറ്റിന്റെ താക്കോല്‍ കര്‍മ്മ സമിതി ഭാരവാഹികളുടെ സാനിധ്യത്തില്‍ ബിവേറേജ് സ്ഥാപന മാനേജര്‍ ഉടമക്ക് തിരിച്ചേല്‍പ്പിച്ചു. പുതുതായി ഗുഡസ്‌ഷെഡ് റോഡില്‍ ആരംഭിച്ച ഔട്ടലെറ്റിന് സമീപത്തായി ആശുപത്രി, ആരാധനാലയം, നിരവധി വീടുകള്‍ എന്നിവ ഉള്ളതിനാല്‍ തുറക്കാന്‍ അനുവദിക്കില്ലെന്ന വാശിയിലായിരുന്നു നാട്ടുകാര്‍. ഇവരുടെ സമരത്തിന് പിന്‍തുണ പ്രഖ്യാപിച്ച് രാഷട്രീയ പാര്‍ട്ടികളെല്ലാം രംഗത്തു വരികയായിരുന്നു. .ഒരു ദിവസം മദ്യശാല ഇവിടെ തുറന്ന് പ്രവര്‍ത്തിച്ചപ്പോള്‍ 85000 രൂപയുടെ വില്‍പ്പനയാണ് നടന്നിരുന്നത.് 30,000 രൂപ പ്രതിമാസ വാടക നിശ്ചയിച്ചാണ് കെട്ടിട ഉടമ ബിവറേജ് കോര്‍പ്പറേഷന് കെട്ടിടം വിട്ട് നല്‍കിയിരുന്നത്. പ്രതിഷേധത്തെ തുടര്‍ന്ന് വാക്കല്‍ നല്‍കിയ കൈമാറ്റം റദ്ധ് ചെയ്യുകയായിരുന്നു. പുതിയ ഔട്ട്‌ലെറ്റിലെ മദ്യ ശേഖരം ഇന്നലെ തന്നെ തിരിച്ച് കൊണ്ട് പോയി. കര്‍മ്മ സമിതി ഭാരവാഹികളായ എ.പി മഹമൂദ്, സി.ഒ.ടി ശംഷീര്‍, രാജഗോപാല്‍,സി.ഒ.ടി ഹനീഫ്, പി.നൗഷാദ്, നിയാസ് കോട്ടോത്ത്, റയീസ്, മഹേഷ്, ബേബി സക്കറിയ , ടി.എം റഹീം ഉള്‍പ്പെടെയുള്ള സാനിധ്യത്തിലാണ് ഇന്നലെ കെട്ടിട ഉടമക്ക് താക്കോല്‍ കൈമാറിയത.് സമരത്തിന്റെ വിജയത്തില്‍ കര്‍മ്മ സമിതി ഭാരവാഹികള്‍ ആഹ്ലാദം പ്രകടിപ്പിച്ചു.