കണ്ണൂര്‍: നഗരത്തില്‍ ട്രാഫിക് ഡ്യൂട്ടിയിലുണ്ടായിരുന്ന പൊലിസുകാരന് തെരുവുനായയുടെ കടിയേറ്റു. കണ്ണൂര്‍ ട്രാഫിക് സ്റ്റേഷനിലെ അനീഷി(42)നാണ് കടിയേറ്റത്. ഇന്നലെ രാവിലെ കക്കാട് ജങ്ഷനിലായിരുന്നു സംഭവം. വലതുകാലിനാണ് കടിയേറ്റത്. സ്ഥലത്തുണ്ടായിരുന്ന വാഹന ഡ്രൈവര്‍മാരും മറ്റും നായയെ ഓടിച്ചാണ് അനീഷിനെ രക്ഷപ്പെടുത്തിയത്. അനീഷിനെ ജില്ലാ ആശുപത്രിയില്‍ പ്രവേശിപ്പിച്ച് ചികിത്സ നല്‍കി.