തലശ്ശേരി: തലശ്ശേരി നങ്ങാറത്ത്പീടികക്ക് സമീപം കൊമ്മല്‍വയലില്‍ ഇന്നലെ പുലര്‍ച്ചെ ബോംബ് സ്‌ഫോടനം. ആര്‍ക്കും പരുക്കില്ലെങ്കിലും സ്‌ഫോടനം നടന്ന പ്രദേശത്തെ ഒരു വീട്ടിലെ ട്യൂബ് ലൈറ്റ് തകര്‍ന്നു. ന്യൂമാഹി എസ്.ഐ ശ്രീഹരിയുടെ നേതൃത്വത്തിലുള്ള പൊലിസ് സംഘം സ്ഥലത്തെത്തി പരിശോധന നടത്തി. ഇതിനു സമീപത്താണ് കഴിഞ്ഞ ദിവസം കോടിയേരി ബാലകൃഷ്ണന്‍ പ്രസംഗിക്കുന്നതിനിടെ സ്‌ഫോടനമുണ്ടായത്. സംഭവത്തില്‍ പൊലിസ് ഇതുവരെ ആരെയും അറ്‌സ്റ്റ് ചെയ്തിട്ടില്ല.