കാസര്‍കോട്: ബന്തടുക്ക-മാണിമൂല റൂട്ടില്‍ സമാന്തര സര്‍വിസ് കാരണം നാളെ മുതല്‍ അനിശ്ചിതകാലത്തേക്കു ബസ് സര്‍വിസ് നിര്‍ത്തിവെക്കുമെന്ന് സ്റ്റേറ്റ് പ്രൈവറ്റ് ബസ് ഓപറേറ്റേഴ്‌സ് ഫെഡറേഷന്‍ ജില്ലാകമ്മിറ്റി അറിയിച്ചു. ഓട്ടോ, ജീപ്പ് അടക്കമുള്ള വാഹനങ്ങള്‍ റൂട്ടിലോടുന്നതിനാല്‍ വിദ്യാര്‍ഥികള്‍ മാത്രമാണു ബസുകളില്‍ കയറുന്നത്. ബസുകള്‍ക്കു തൊട്ടുമുന്നിലും പിറകിലുമായി സര്‍വിസ് നടത്തുന്ന വ്യാജ ടാക്‌സികള്‍ അടക്കമുള്ള വാഹനങ്ങള്‍ ബസുടമകളെ പ്രതിസന്ധിയിലാക്കുകയാണ്. ഇതുകാരണം ഡീസല്‍ ചെലവിനുള്ള വരുമാനം പോലും ലഭിക്കുന്നില്ലെന്നും ഈ സാഹചര്യത്തില്‍ സര്‍വിസ് തുടരാന്‍ സാധിക്കാത്തതിനാലാണു സര്‍വിസ് നിര്‍ത്തിവെക്കാന്‍ തീരുമാനിച്ചതെന്നും ജില്ലാ കമ്മിറ്റി വാര്‍ത്താക്കുറിപ്പില്‍ അറിയിച്ചു.