പയ്യന്നൂര്‍: കണ്ണൂര്‍ സര്‍വകലാശാല വിദൂര വിദ്യാഭ്യാസ കലോത്സവത്തിനു പയ്യന്നൂരില്‍ തുടക്കമായി. സര്‍വകലാശാല വിദൂര വിദ്യാഭ്യാസ വിഭാഗം ഡയറക്ടര്‍ എം രാമചന്ദ്രന്‍ ഉദ്ഘാടനം ചെയ്തു. കെ.എന്‍ രാധാകൃഷ്ണന്‍ അധ്യക്ഷനായി. ശശി വട്ടക്കൊവ്വല്‍, ഡോ. ഇ ശ്രീധരന്‍, പയ്യന്നൂര്‍ കുഞ്ഞിരാമന്‍, എം പ്രദീപ് കുമാര്‍, രാജേഷ് പാലങ്ങാട്ട്, ബിന്ദു സജിത്കുമാര്‍ സംസാരിച്ചു.ഇന്നലെ സ്റ്റേജിതര മത്സരങ്ങള്‍ നടന്നു. കണ്ണൂര്‍, കാസര്‍കോട്, വയനാട് ജില്ലകളിലെ വിവിധ സോണലുകളില്‍ നിന്നു തിരഞ്ഞെടുക്കപ്പെട്ട അറുന്നൂറോളം വിദ്യാര്‍ഥികള്‍ പങ്കെടുത്തു. സ്റ്റേജിന മത്സരങ്ങള്‍ 18, 19 തിയതികളില്‍ പയ്യന്നൂര്‍ ഗാന്ധി പാര്‍ക്ക്, ഗവ.ഗേള്‍സ് ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളിലായി നടക്കും.