മധുര: മധുരയിലെ ആവണിയാപുരത്ത് നടന്ന ജെല്ലിക്കെട്ടിനിടെ 49 പേര്‍ക്ക് പരുക്കേറ്റു. ഇതില്‍ 10 പേരുടെ നില ഗുരുതരമാണ്. ഇവരെ ആശുപത്രിയില്‍ പ്രവേശിപ്പിച്ചു.

ആഘോഷപൂര്‍വം നടത്തിയ ജെല്ലിക്കെട്ടില്‍ പങ്കെടുക്കാന്‍ ആയിരത്തോളം പേരാണ് എത്തിയത്. 950 കാളകളെയാണ് ജെല്ലിക്കെട്ടിനായി ഉപയോഗിച്ചത്. മുന്‍ വര്‍ഷങ്ങളില്‍ നിന്ന് കാറും ട്രാക്ടറും അടക്കമുള്ള വന്‍ സമ്മാനങ്ങളാണ് വിജയിക്കള്‍ക്ക് നല്‍കുന്നത്. വിരണ്ട കാള ആളുകള്‍ക്കിടയിലേക്ക് ഓടിക്കയറിയതാണ് അപകടത്തിനിടയാക്കിയത്.

ജെല്ലിക്കെട്ടിനുള്ള നിരോധനം പിന്‍വലിക്കണമെന്നാവശ്യപ്പെട്ട് തമിഴ്‌നാ്ട് ജനത ഒന്നടങ്കം രംഗത്തുവന്നതോടെയാണ് വീണ്ടും ജെല്ലിക്കെട്ട് നടത്താന്‍ സര്‍ക്കാര്‍ പ്രത്യേക ഓര്‍ഡിനന്‍സും നിയമഭേദഗതിയും കൊണ്ടുവന്നത്.