ന്യൂഡല്‍ഹി: ഗോവയിലും പഞ്ചാബിലും നടന്ന തെരഞ്ഞെടുപ്പില്‍ വോട്ടര്‍മാരെ ആം ആദ്മി ദേശീയ കണ്‍വീനറും ഡല്‍ഹി മുഖ്യമന്ത്രിയുമായ അരവിന്ദ്് കെജ്്‌രിവാള്‍ അഭിവാദ്യം ചെയ്തു. അവിശ്വസനീയമായ ഒരു ദൗത്യമാണ് ജനങ്ങള്‍ ഇരു സംസ്ഥാനങ്ങളിലും ചെയ്തിരിക്കുന്നതെന്നും അദ്ദേഹം കൂട്ടിച്ചേര്‍ത്തു. ജനങ്ങള്‍ക്കുവേണ്ടി ജനങ്ങളാല്‍ നടത്തിയ ഒരു യുദ്ധമായിരുന്നു ഈ സംസ്ഥാനങ്ങളില്‍ നടന്നതെന്നും അദ്ദേഹം അഭിപ്രായപ്പെട്ടു. ഓരോരുത്തരുടെയും വീട്ടുപടിക്കല്‍ പണമെത്തിച്ചാണ് പലരും തെരഞ്ഞെടുപ്പിനെ നേരിട്ടതെന്നും അദ്ദേഹം വീഡിയോ സഹിതം ഫേസ് ബുക്കില്‍ കുറിച്ചു. ഗോവയിലും പഞ്ചാബിലും പാര്‍ട്ടിക്ക് വലിയതോതില്‍ മുന്നേറ്റം നടത്താനായിട്ടുണ്ട്. ഇത് ഫലം വരുമ്പോള്‍ വ്യക്തമാകുമെന്നും ഇതിന് ഇപ്പോള്‍തന്നെ ജനങ്ങള്‍ക്ക് നന്ദി അറിയിക്കുന്നതായും കെജ്‌രിവാള്‍ വ്യക്തമാക്കി.