തൃശൂര്‍: ജൂണ്‍ മധ്യത്തോടെ സംസ്ഥാനത്തെ എല്ലാ സ്‌കൂളുകളിലും പാഠപുസ്തകം വിതരണം പൂര്‍ത്തിയാക്കുമെന്ന് വിദ്യാഭ്യാസ വകുപ്പ് മന്ത്രി പ്രൊഫ. സി.രവീന്ദ്രനാഥ് പറഞ്ഞു. തൃശൂരില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. 70 ശതമാനം പാഠപുസ്തകങ്ങളുടെയും അച്ചടി പൂര്‍ത്തിയായി. കിരാലൂര്‍, മലാപറമ്പ് സ്‌കൂളുകള്‍ അടച്ചുപൂട്ടാതിരിക്കാന്‍ ആവശ്യമായ നിയമനടപടികള്‍ സ്വീകരിക്കും. ഇതിനായി നാളെ സുപ്രിംകോടതിയില്‍ അപ്പീല്‍ സമര്‍പ്പിക്കുമെന്നും മന്ത്രി പറഞ്ഞു. സര്‍ക്കാര്‍  എയ്ഡഡ് സ്‌കൂളുകളില്‍ ഡൊണേഷനും ഒരു തരത്തിലുള്ള കോഴകളും അനുവദിക്കില്ല. അധ്യാപകരുടെ പ്രശ്‌നങ്ങള്‍ക്ക് ശാശ്വത പരിഹാരം കണ്ടെത്തും. ശമ്പളം ലഭിക്കാത്തതടക്കമുള്ള അധ്യാപകരുടെ പ്രശ്‌നങ്ങളില്‍ ആശങ്കപ്പെടേണ്ടതില്ലെന്നും മന്ത്രി പറഞ്ഞു.