പാരിസ്: ഫ്രഞ്ച് ലീഗ് വണ്ണില്‍ വമ്പന്‍മാരായ പാരിസ് സെന്റ് ജെര്‍മെയ്‌ന് തകര്‍പ്പന്‍ ജയം. ഒന്നിനെതിരേ മൂന്നു ഗോളുകള്‍ക്ക് ഡിജോണിനെയാണ് പരാജയപ്പെടുത്തിയത്. ലൂക്കാസ്,  തിയാഗോ സില്‍വ, എഡിന്‍സന്‍ കവാനി എന്നിവര്‍ ടീമിനായി സ്‌കോര്‍ ചെയ്തു. ജൂലിയോ ടവാരസ് ഡിജോണിന്റെ ആശ്വാസ ഗോള്‍ സ്വന്തമാക്കി.
മറ്റു മത്സരങ്ങളില്‍ കെയ്ന്‍ എതിരില്ലാത്ത ഒരു ഗോളിന് ഗ്വയിന്‍ ക്യാംപിനെയും ലോറിയന്റ് എതിരില്ലാത്ത ഒരു ഗോളിന് ലില്ലെയെയും മോണ്‍പെല്ലിയര്‍ ഒന്നിനെതിരേ രണ്ടു ഗോളുകള്‍ക്ക് ബാസ്റ്റിയയെയും തുളുസ് എതിരില്ലാത്ത നാലുഗോളിന് ആംഗേഴ്‌സിനെയും പരാജയപ്പെടുത്തിയപ്പോള്‍ റെന്നസ് 1-1ന് ബോര്‍ഡോക്‌സിനെ സമനിലയില്‍ കുരുക്കി.