ന്യൂഡല്‍ഹി:ഐ.എസ്.ആര്‍.ഒയുടെ പുതിയ ചെയര്‍മാനായി പ്രമുഖ ശാസ്ത്രജ്ഞന്‍ കെ. ശിവനെ നിയമിച്ചു. എ.എസ് കിരണ്‍ കുമാറിന് പകരക്കാരനായിട്ടാണ് തമിഴ്‌നാട് നാഗര്‍കോവില്‍ സ്വദേശിയായ ശിവനെ നിയമിച്ചത്.

മൂന്നുവര്‍ഷത്തേക്കാണ് നിയമനം. ബഹിരാകാശ വകുപ്പിന്റെ സെക്രട്ടറിയായും ബഹിരാകാശ കമ്മിഷന്റെ ചെയര്‍മാനായും അദ്ദേഹത്തെ നിയമിക്കാന്‍ കേന്ദ്ര മന്ത്രിസഭ തീരുമാനിച്ചിട്ടുണ്ടെന്നും വിവരമുണ്ട്.

നിലവില്‍ വിക്രം സാരാഭായ് സ്‌പേസ് സെന്ററിന്റെ ഡയരക്ടറാണ് കെ ശിവന്‍. 2015 ജനുവരി 12നായിരുന്നു അദ്ദേഹത്തിന്റെ നിയമനം. ഐ.എസ്.ആര്‍.ഒയുടെ 100ാം ഉപഗ്രഹ വിക്ഷേപണത്തിന് രണ്ടു ദിവസം മാത്രം ശേഷിക്കെയാണ് അദ്ദേഹത്തിന്റെ നിയമനം.