മക്ക: താമസ കേന്ദ്രത്തിലുണ്ടായ തീപിടിത്തത്തില്‍ അഞ്ചു പേര്‍ മരിച്ചു. ബുധനാഴ്ച്ച പുലര്‍ച്ചെ മക്കയിലെ ജനവാസ കേന്ദ്രമായ ശഅബിയിലെ മുജാഹിദീന്‍ സ്ട്രീറ്റിലെ കെട്ടിടത്തിലാണ് തീപിടിത്തമുണ്ടായത്.
സംഭവത്തില്‍ അഞ്ചുപേര്‍ക്ക് പരുക്കേറ്റിട്ടുണ്ടെന്ന് മക്കയിലെ സിവില്‍ ഡിഫന്‍സ് സേന വക്താവ് മേജര്‍ നായിഫ് അല്‍ ശരീഫ്അറിയിച്ചു.
കെട്ടിടത്തിന് പുറത്ത് കൂട്ടിയിട്ടിരുന്ന മരപ്പലക, ഫര്‍ണിച്ചര്‍, മാലിന്യം എന്നിവയില്‍ തീ പിടിച്ചതായുള്ള വിവരമാണ് സിവില്‍ ഡിഫന്‍സിനു ലഭിച്ചത്.