ശ്രീനഗര്‍: ഹിസ്ബുല്‍ മുജാഹുദ്ദീന്‍ കമാന്‍ഡര്‍ താരീഖ് പണ്ഡിറ്റിനെ അറസ്റ്റ് ചെയ്തു. ഹിസ്ബുല്‍ മുജാഹിദീന്‍ നേതാവ് ബുര്‍ഹാനി വാണിയുടെ അടുത്ത സഹായിയെന്നു അറിയപ്പെട്ട താരിഖ് പൊലിസില്‍ കീഴടങ്ങുകയായിരുന്നു. ഇന്നലെയാണ് ജമ്മുകശ്മിരിലെ പല്‍വാമയില്‍ വച്ച് ഇയാള്‍ കീഴടങ്ങിയത്. കരീമാബാദ് സ്വദേശിയായ താരീഖ് ഹിസ്ബുല്‍ നേതാവ് ബുര്‍ഹാനിയുടെ സംഘത്തിലെ പ്രധാന അംഗമാണ്. ബുര്‍ഹാനിയെക്കുറിച്ച് വിവരം നല്‍കുന്നയാള്‍ക്ക് 10 ലക്ഷം പാരിതോഷികം പ്രഖ്യാപിച്ചിട്ടുണ്ട്. അതിനിടെയാണ് താരിഖിന്റെ കീഴടങ്ങല്‍. ബുര്‍ഹാനിയെ സംബന്ധിച്ച വിവരങ്ങള്‍ ഇയാളില്‍ നിന്നു  ലഭിക്കുമെന്ന പ്രതീക്ഷയിലാണ് പൊലിസ്.