കോതമംഗലം: മാരമംഗലം കാരിക്കല്‍ ശിവശങ്കരനും ഭാര്യ അമ്മിണിക്കും വൈദ്യുതി നല്‍കി ഡി.വൈ.എഫ്.ഐ. വര്‍ഷങ്ങളായി വൈദ്യുതി ഇല്ലാതിരുന്ന ഇവര്‍ക്ക് മേഖലാ കമ്മിറ്റി അംഗം വി.എസ് രാജീവിന്റെ നേതൃത്വത്തില്‍ വീട് വയറിങ് ചെയ്തു നല്‍കി. വൈദ്യുതി വകുപ്പ് ജീവനക്കാരുടെ കൂടി സഹായത്തോടെ തുടര്‍ന്ന് വൈദ്യുതി കണക്ഷന്‍ നല്‍കുകയായിരുന്നു.
അഖിലേന്ത്യാ സമ്മേളന ഭാഗമായാണ് സംഘടന ഇക്കാര്യം ചെയ്തത്. സി.പി.എം മുനിസിപ്പല്‍ ഈസ്റ്റ് ലോക്കല്‍ സെക്രട്ടറി കെ.പി.മോഹനന്‍ ഉദ്ഘാടനം ചെയ്തു.
ഡി.വൈ.എഫ്.ഐ ബ്ലോക്ക് പ്രസിഡന്റ് പി.ആര്‍.പ്രതീഷ്, ഈസ്റ്റ് സെക്രട്ടറി കെ.വി ഐബി, വാര്‍ഡ് കൗണ്‍സിലര്‍ ഹരി എന്‍ വൃന്ദാവന്‍, കുത്തുകുഴി സഹകരണ ബാങ്ക് സെക്രട്ടറി ഇ.വി രാധാകൃഷ്ണന്‍, എം.സി നവീന്‍കുമാര്‍, കെ.കെ വര്‍ഗീസ്, അരുണ്‍ ബോബന്‍ എന്നിവര്‍ പ്രസംഗിച്ചു.