തൂനിസ്: തുനീസ്യയില്‍ സാമ്പത്തിക നയങ്ങള്‍ക്കെതിരേ തുടരുന്ന ജനകീയ പ്രക്ഷോഭത്തില്‍ 328 പേര്‍ അറസ്റ്റില്‍. പ്രക്ഷോഭം ആരംഭിച്ച് അഞ്ചു ദിവസം പിന്നിടുന്നതിനിടെയാണ് ഇത്രയും പേര്‍ അറസ്റ്റിലായത്. തൂനിസ് ആഭ്യന്തര മന്ത്രാലയം വക്താവ് കേണല്‍ മേജര്‍ ഖലീഫ ചിബാനിയാണ് ഇക്കാര്യം അറിയിച്ചത്.
ജനുവരി ഒന്നുമുതല്‍ വാറ്റ് വര്‍ധിപ്പിക്കുകയും ചരക്കുകള്‍ക്ക് വില വര്‍ധിപ്പിക്കുകയും ചെയ്തുകൊണ്ടുള്ള പുതിയ സാമ്പത്തിക പരിഷ്‌കരണ നയങ്ങളില്‍ പ്രതിഷേധിച്ചാണ് കഴിഞ്ഞ ഞായറാഴ്ച തലസ്ഥാനമായ തൂനിസില്‍ പ്രക്ഷോഭം പൊട്ടിപ്പുറപ്പെട്ടത്.