കൊല്ലം: എക്‌സൈസ് ഇന്റലിജന്‍സ് ബ്യൂറോയുടേയും കുന്നത്തൂര്‍ എക്‌സൈസ് സര്‍ക്കിള്‍ ഓഫിസിന്റെയും സംയുക്ത റെയ്ഡില്‍ ശാസ്താംകോട്ട മനക്കരയില്‍ നിന്നും ഡിപ്ലോമ ബിരുദധാരിയായ ശാസ്താംകോട്ട മനക്കര സ്വദേശി സൗഭാഗ്യയില്‍ വിഷ്ണു (23) 1.100 കിലോ ഗ്രാം കഞ്ചാവുമായി അറസ്റ്റിലായി.
അടൂര്‍ കടമ്പനാട് മേഖലയിലെ സ്‌കൂള്‍ കുട്ടികള്‍ക്ക് കഞ്ചാവ് വില്‍ക്കുന്നവരില്‍ പ്രധാനിയാണ് വിഷ്ണു.
തമിഴ്‌നാട്ടിലെ സേലത്ത് നിന്നുമാണ് കഞ്ചാവ് കൊണ്ടുവരുന്നത്.
ഇയാളില്‍ നിന്നും ലഭിച്ച മൊഴിയുടെ അടിസ്ഥാനത്തില്‍ 30 പൊതി കഞ്ചാവും പള്‍സര്‍ ബൈക്കുമായി കടമ്പനാട് ഗണേശ വിലാസം സ്വദേശി രാജേഷ് (23) അടൂര്‍ നെല്ലിമുകിള്‍ സ്വദേശി എബി (19) എന്നിവര്‍ അറസ്റ്റിലായി.
റെയിഡില്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ആര്‍.ബാബു, എക്‌സൈസ് ഇന്‍പെക്ടര്‍ കൃഷ്ണ കുമാര്‍ പ്രിവന്റീവ് ഓഫിസര്‍മാരായ സഹീര്‍ഷ, ഉണ്ണികൃഷ്ണപിള്ള, ഇന്റലിജന്‍സ് ബ്യൂറോ ഉദ്യോഗസ്ഥരായ എ.പി ഷിഹാബ്, സി.പി ദിലീപ് സിവില്‍ എക്‌സൈസ് ഓഫിസര്‍മാരായ ഷിഹാസ്, സുജിത്കുമാര്‍, അനില്‍കുമാര്‍ ഡ്രൈവര്‍ ശിവന്‍കുട്ടി പങ്കെടുത്തു.