മുക്കം: ഇന്‍സ്‌പെയര്‍ ഫൗണ്ടേഷനുമായി സഹകരിച്ച് നെല്ലിക്കാപ്പറമ്പ് ഗ്രീന്‍വാലി പബ്ലിക് സ്‌കൂള്‍ സംഘടിപ്പിക്കുന്ന 'മൈന്‍ഡ് ബിയോണ്ട് സെന്‍സ്' 15ന് രാവിലെ 10ന് സ്‌കൂള്‍ കാംപസില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഊമയും ബധിരനും അന്ധനും പഞ്ചാബിലെ പാട്യാല 'ഡഫ് ആന്‍ഡ് ബ്ലൈന്‍ഡ്' സ്‌കൂളിലെ ഇംഗ്ലീഷ് അധ്യാപകനുമായ അനി മാത്യു നേതൃത്വം നല്‍കും.
രാവിലെ 10ന് വിദ്യാര്‍ഥികളുമായും ഉച്ചയ്ക്ക് 12ന് ബി.എഡ്, ഡി.എഡ് വിദ്യാര്‍ഥികളുമായും ഉച്ചയ്ക്കു ശേഷം രക്ഷിതാക്കളും പൊതുജനങ്ങളുമായും അദ്ദേഹം സംവദിക്കും. കെ.പി ഹിദായത്ത്, പ്രൊഫ. കെ. അബ്ദുല്‍ കരീം, സി. അബ്ദുല്‍ ഹമീദ്, കെ.പി ജനാര്‍ദ്ദനന്‍, പി. ആഷിഖ് ഷൗക്കത്ത് തുടങ്ങിയവര്‍ വിവിധ സെഷനുകള്‍ക്കു നേതൃത്വം നല്‍കും. വാര്‍ത്താസമ്മേളനത്തില്‍ കെ.പി ഹിദായത്ത്, പി. ആശിഖ് ശൗക്കത്ത്, കെ.സി ഷംസീര്‍ പങ്കെടുത്തു.