മുക്കം: മണാശ്ശേരി എം.എ.എം.ഒ കോളജ് ഹിസ്റ്ററി ഡിപ്പാര്‍ട്ട്‌മെന്റ് അസോസിയേഷന്റെ നേതൃത്വത്തില്‍ ചരിത്രകാരന്‍ എം.ജി.എസ് നാരായണനെ ആദരിച്ചു. കോളജിലെ 2017- 2018 വര്‍ഷത്തെ ഹിസ്റ്ററി അസോസിയേഷന്‍ ഉദ്ഘാടനം അദ്ദേഹം നിര്‍വഹിച്ചു. ചരിത്രം വളച്ചൊടിക്കുന്ന കാലത്ത് യഥാര്‍ഥ ചരിത്രം കണ്ടെത്താന്‍ ചരിത്രവിദ്യാര്‍ഥികള്‍ മുന്നോട്ടു വരണമെന്ന് അദ്ദേഹം അഭിപ്രായപ്പെട്ടു. കോളജ് പ്രിന്‍സിപ്പല്‍ ഡോ. അബൂബക്കര്‍ മാങ്ങാട്ടുചാലി അധ്യക്ഷനായി. ഡോ. ടി.സി സൈമണ്‍, ബീന ചെറിയാന്‍, അനീസ്, ഷഹീര്‍, ത്വയ്യിബ്, ജുനൈദ് സംസാരിച്ചു. ഡിപ്പാര്‍ട്ട്‌മെന്റ് മേധാവി ഒ.എം അബ്ദുറഹ്മാന്‍ സ്വാഗതവും അസോസിയേഷന്‍ സെക്രട്ടറി റാഷിദ് നന്ദിയും പറഞ്ഞു.