കോഴിക്കോട്: ആരോഗ്യ സര്‍വകലാശാലക്ക് കീഴിലുള്ള കോഴിക്കോട് മെഡിക്കല്‍ കോളജ് യൂനിയന്‍ തെരഞ്ഞെടുപ്പില്‍ തുടര്‍ച്ചയായ 14ാം തവണയും ഇന്‍ഡിപെന്റന്‍സ് തൂത്തുവാരി. മത്സരിച്ച 14 സീറ്റിലും ഇന്‍ഡിപെന്റന്‍സ് സ്ഥാനാര്‍ഥികള്‍ വിജയിച്ചു. യൂനിയന്‍ ചെയര്‍മാനായി അലി സയ്യാദിനെ തെരഞ്ഞെടുത്തു. എസ്.എഫ്.ഐ, എ.ബി.വി.പി തുടങ്ങിയ സംഘടനകളും മത്സര രംഗത്തുണ്ടായിരുന്നു. കഴിഞ്ഞ പതിമൂന്ന് വര്‍ഷത്തിനിടയില്‍ എസ്.എഫ്.ഐ ഏറെ പ്രതീക്ഷയര്‍പ്പിച്ച തെരഞ്ഞെടുപ്പായിരുന്നു ഇത്.