കോഴിക്കോട്: പുതിയപാലത്ത് നിര്‍മിക്കുന്ന കെ.എസ്.ടി.യു സെന്റര്‍ ഫോര്‍ എജ്യുക്കേഷന്‍ ആന്റ് സോഷ്യല്‍ അഡ്വാന്‍സ്‌മെന്റ്-സിസ- തറക്കല്ലിടല്‍ കര്‍മം മുസ്‌ലിംലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങള്‍ നിര്‍വഹിച്ചു. കെ.എസ്.ടി.യു സംസ്ഥാന പ്രസിഡണ്ട് സി.പി ചെറിയ മുഹമ്മദ് അധ്യക്ഷനായി.
സിസ മിഷന്‍ ആന്റ് വിഷന്‍ മുസ്‌ലിംലീഗ് ദേശീയ സെക്രട്ടറി ഇ.ടി മുഹമ്മദ് ബഷീര്‍ എം.പി അവതരിപ്പിച്ചു. സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ സ്വാഗതം പറഞ്ഞു.
അരിമ്പ്ര മുഹമ്മദ് മാസ്റ്റര്‍, ഇ. ഉമ്മര്‍ മാസ്റ്റര്‍, കള്ളിയില്‍ മുഹമ്മദ്, എം. ദാവൂദ്ഖാന്‍, എസ്. മുഹമ്മദ് അഷ്‌റഫ്, സംസ്ഥാന ഭാരവാഹികളായ വി.കെ മൂസ, യൂസഫ് ചേലപ്പള്ളി, അബ്ദുല്ല വാവൂര്‍, എ.സി അത്താഉല്ല, പി.കെ.എം ഷഹീദ്, പി.കെ അസീസ്, എം. അഹമ്മദ്, പി.ടി.എം ഷറഫുന്നീസ, ജില്ലാ ഭാരവാഹികളായ ടി.പി അബ്ദുല്‍ഗഫൂര്‍, കെ.എം.എ നാസര്‍, പി.പി ജാഫര്‍, കെ.പി സാജിദ് പ്രസംഗിച്ചു.