കോഴിക്കോട്: മുക്കം കേന്ദ്രമായുള്ള വി. മൊയ്തീന്‍ കോയ ഹാജി സ്മാരക സമിതിയുടെ മൊയ്തീന്‍ കോയ ഹാജി സ്മാരക പ്രഥമ പുരസ്‌കാരത്തിന് ജെ.ഡി.ടി ഇസ്‌ലാം ജനറല്‍ സെക്രട്ടറിയും ഫാറൂഖ് കോളജ് മാനേജരുമായ സി.പി കുഞ്ഞിമുഹമ്മദിനെ തെരഞ്ഞെടുത്തു. അനാഥ സംരക്ഷണം, വിദ്യാഭ്യാസ പ്രചാരണം, മതേതര ബോധവല്‍കരണം എന്നിവ പരിഗണിച്ചാണ് പുരസ്‌കാരം പ്രഖ്യാപിച്ചത്.
ആര്യാടന്‍ മുഹമ്മദ്, ലിഡ ജേക്കബ്, എം.എന്‍ കാരശ്ശേരി എന്നിവര്‍ അംഗങ്ങളായ സമിതിയാണ് പുരസ്‌കാര നിര്‍ണയം നടത്തിയതെന്ന് പി. സിറിയക് ജോണ്‍, എന്‍.കെ അബ്ദുറഹ്മാന്‍, എം. അശോകന്‍, പി. പോക്കര്‍, പ്രജിത പ്രദീപ് വാര്‍ത്താസമ്മേളനത്തില്‍ അറിയിച്ചു.