കല്‍പ്പറ്റ: സംസ്ഥാന സ്‌കൂള്‍ കലോത്സവത്തില്‍ മികച്ച നേട്ടം കൈവരിച്ച് ആറാം സ്ഥാനത്തെത്തിയ കല്‍പ്പറ്റ എന്‍.എസ്.എസ് ഹയര്‍സെക്കന്‍ഡറി വിദ്യാര്‍ഥികളെ സ്‌കൂള്‍ പി.ടി.എയും സ്റ്റാഫ് കൗണ്‍സിലും അനുമോദിച്ചു.
വിദ്യാലയത്തിലെ 55 വിദ്യാര്‍ഥികള്‍ക്ക് എ ഗ്രേഡും 22 പേര്‍ക്ക് ബി ഗ്രേഡും മൂന്നുപേര്‍ക്ക് സി ഗ്രേഡും ലഭിച്ചു.ശാസ്ത്രീയ സംഗീതത്തില്‍ തുടര്‍ച്ചയായ രണ്ടാംവര്‍ഷവും കെ.എസ് അനന്യ എ ഗ്രേഡും മൂന്നാം സ്ഥാനവും നേടി.
വ്യക്തിഗത ഇനങ്ങളില്‍ ഭരതനാട്യം, കുച്ചിപ്പുടി എന്നിവയില്‍ ഹെന്ന കല്ലങ്കോടന്‍, ഇംഗ്ലീഷ് പ്രസംഗത്തില്‍ ഡൊമനിക് സാവിയോ എന്നിവരും നേട്ടം കൈവരിച്ചു.
ഗ്രൂപ്പിനങ്ങളില്‍ ഹൈസ്‌കൂള്‍ വിഭാഗം സംഘഗാനം, പൂരക്കളി, പഞ്ചവാദ്യം എന്നിവയിലും എ ഗ്രേഡ് നേടി.
പരിപാടികള്‍ക്ക് കണ്‍വീനര്‍ വി.കെ അജികുമാര്‍, ജോ.കണ്‍വീനര്‍മാരായ വി. ബിന്ദു, പി.ഡി അനീഷ് നേതൃത്വം നല്‍കി.
അനുമോദന യോഗത്തില്‍ എല്‍.കെ ജ്യോതിഷ് കുമാര്‍, പി. ബാലചന്ദ്രന്‍, ബാബുപോള്‍, കെ. രമേഷ്, ടി. ശശി, പി. ദിലീപ് കുമാര്‍ സംസാരിച്ചു.