കണ്ണൂര്‍: രമേശന്‍ നടുവിലിന്റെ ഏകാംഗ ചിത്രപ്രദര്‍ശനം ഇന്നു മുതല്‍ ഗവ. ടി.ടി.ഐ(മെന്‍) മോഹന്‍ ചാലാട് മെമ്മോറിയല്‍ ആര്‍ട്ട് ഗാലറിയില്‍ നടക്കും. അക്രിലിക്, ഓയില്‍ എന്നിവയില്‍ രചിച്ച മുപ്പത് ചിത്രങ്ങളാണ് പ്രദര്‍ശനത്തിനുള്ളതെന്ന് രമേശന്‍ നടുവില്‍ വാര്‍ത്താസമ്മേളനത്തില്‍ പറഞ്ഞു. ഇന്നു വൈകിട്ട് നാലിന് ചിത്രകാരനും കേരള ലളിതകലാ അക്കാദമി അംഗവുമായ എബി എന്‍. ജോസഫ് പ്രദര്‍ശനം ഉദ്ഘാടനം ചെയ്യും. രാവിലെ പത്ത് മുതല്‍ ആറ് വരെയാണ് സന്ദര്‍ശക സമയം. 17ന് പ്രദര്‍ശനം സമാപിക്കും. നടുവില്‍ സ്വദേശിയായ രമേശന്റെ ആദ്യ ഏകാംഗ ചിത്രപ്രദര്‍ശനമാണിത്. വടക്കേ ഇന്ത്യയിലുള്‍പ്പെടെ പല സ്ഥലങ്ങളിലും മരത്തിലും സിമന്റിലും ധാരളം ശില്‍പങ്ങള്‍ രമേശന്‍ നിര്‍മിച്ചിട്ടുണ്ട്.