പെരിങ്ങത്തൂര്‍: കവര്‍ച്ചയടക്കം നിരവധി കേസുകളില്‍ പ്രതികളായ മൂന്നുപേരെ ആയുധങ്ങളുമായി ചൊക്ലി പൊലിസ് അറസ്റ്റ് ചെയ്തു. കത്തി, കമ്പിപാര, ഇരുമ്പ് ദണ്ഡുകള്‍ തുടങ്ങിയ ആയുധങ്ങളുമായി കാറില്‍ സഞ്ചരിക്കുകയായിരുന്ന സംഘത്തെ ചൊക്ലി പ്രിന്‍സിപ്പല്‍ എസ്.ഐ ഫായിസ് അലിയും സംഘവും പെരിങ്ങത്തൂര്‍ പുല്ലൂക്കര റോഡില്‍ അറസ്റ്റ് ചെയ്യുകയായിരുന്നു. നാദാപുരം ചെറ്റക്കണ്ടി പിലാവുള്ളതില്‍ അഷ്‌റഫ്, കോട്ടൂര്‍ പാലോളി കോളനിയില്‍ മര്‍ജാസ്, ബാലുശ്ശേരി അറപീടിക ആലുള്ളതില്‍ രൂപേഷ് എന്നിവരാണ് അറസ്റ്റിലായത്. പ്രതികളെ തലശ്ശേരി കോടതി റിമാന്‍ഡ് ചെയ്തു.