നീലേശ്വരം: ജില്ലാ മര്‍ച്ചന്റ്സ് യൂത്ത് വിങ് യൂത്ത് മീറ്റ് കേരള വ്യാപാരി വ്യവസായി ഏകോപന സമിതി സംസ്ഥാന ട്രഷറര്‍ കെ. അഹമ്മദ് ഷെരീഫ് ഉദ്ഘാടനം ചെയ്തു. യൂത്ത് വിങ് ജില്ലാ പ്രസിഡന്റ് കെ. മണികണ്ഠന്‍ അധ്യക്ഷനായി. നീലേശ്വരം മാര്‍ക്കറ്റ് ജങ്ഷനില്‍ നിന്നു തുടങ്ങിയ ബ്ലൂ വളണ്ടിയര്‍ മാര്‍ച്ചിനു മര്‍ച്ചന്റ്സ് അസോസിയേഷന്‍ സംസ്ഥാന സെക്രട്ടറി കെ. സേതുമാധവന്‍ ഫ്‌ളാഗ് ഓഫ് ചെയ്തു. എമര്‍ജിങ് ബിസിനസ് മാന്‍ ഓഫ് ദ് ഇയര്‍ അവാര്‍ഡ് നേടിയ മൊയ്തീന്‍ ബിലാല്‍, യൂത്ത് എന്റര്‍പ്രണര്‍ ഓഫ് ദ് ഇയര്‍ അവാര്‍ഡ് നേടിയ കാര്‍ത്തിക് നാഗരാജ് എന്നിവരെ ആദരിച്ചു. വെബ്സൈറ്റ് സ്വിച്ച് ഓണ്‍ ചെയ്തു. കലക്ടര്‍ കെ. ജീവന്‍ ബാബു, മര്‍ച്ചന്റ്സ് അസോസിയേഷന്‍ ജില്ലാ സെക്രട്ടറി ടി.എം ജോസ് തയ്യില്‍, പ്രജിത്ത് പാലക്കാട്, മാഹിന്‍ കോളിക്കര, എ. പ്രദ്യോതനന്‍, എന്‍. മഞ്ചുനാഥ പ്രഭു, ഷേര്‍ലി സെബാസ്റ്റ്യന്‍, എ. വിനോദ് കുമാര്‍, സി.എച്ച് ഷംസുദ്ദീന്‍, ടി.എ അന്‍വര്‍ സാദത്ത്, എന്‍.എം മജീദ്, രഞ്ജിത് തിമിരി, രഞ്ജിത് കാഞ്ഞങ്ങാട്, ശിഹാബ് സല്‍മാന്‍, മനോജ് കുണ്ടംകുഴി, സാം സെബാസ്റ്റ്യന്‍, പി.കെ ഇല്യാസ്, യൂത്ത് വിങ് ജില്ലാ ജന.സെക്രട്ടറി അബ്ദുല്‍ ജബ്ബാര്‍, ട്രഷറര്‍ എം. വിനീത് നീലേശ്വരം എന്നിവര്‍ സംസാരിച്ചു.