വൈക്കം: എ.ഐ.വൈ.എഫ് മുനിസിപ്പല്‍തല മെമ്പര്‍ഷിപ്പ് ഉദ്ഘാടനവും വൈക്കത്തെ കമ്മ്യൂണിസ്റ്റ് നേതാവായിരുന്ന എന്‍. ദാമോദരന്റെ (ബോസ്‌ചേട്ടന്‍) സ്മൃതിമണ്ഡപം ഉദ്ഘാടനവും നടത്തി.
കിഴക്കേനട മുരിയന്‍കുളങ്ങര ജങ്ഷനില്‍ പണികഴിപ്പിച്ച സ്മൃതിമണ്ഡപത്തിന്റെ ഉദ്ഘാടനം സി.പി.ഐ ടൗണ്‍ ലോക്കല്‍ സെക്രട്ടറി അഡ്വ. കെ. പ്രസന്നന്‍ നിര്‍വഹിച്ചു. തുടര്‍ന്നുനടന്ന പൊതുസമ്മേളനം സി.പി.ഐ ജില്ലാ എക്‌സി. അംഗം ജോണ്‍ വി. ജോസഫ് ഉദ്ഘാടനം ചെയ്തു.
ഷാജി മാളിയേക്കല്‍ അധ്യക്ഷനായിരുന്നു. യോഗത്തില്‍ മെമ്പര്‍ഷിപ്പ് കാംപയിന്റെ ഉദ്ഘാടനം എ.ഐ.വൈ.എഫ് സംസ്ഥാന കമ്മിറ്റി അംഗം എസ്.ബിജു നിര്‍വഹിച്ചു. ആര്‍.ബിജു, എം.പി സാനു, അഡ്വ. എം.ജി രഞ്ജിത്ത്, അഡ്വ. എസ്.പി സുജിത്ത്, ജി.ജയേഷ്, എസ്.സോനു, കെ. അനീഷ്, അരുണ്‍ജിത്ത് പ്രസംഗിച്ചു. സംസ്ഥാന സ്‌കൂള്‍ കലോത്സവത്തില്‍ നാടോടിനൃത്തത്തില്‍ എ ഗ്രേഡ് നേടിയ ജിതിന്‍ദാസിനെ ചടങ്ങില്‍ അനുമോദിച്ചു.