വളാഞ്ചേരി: ലൈറ്റ് ആന്‍ഡ് സൗണ്ട് വെല്‍ഫെയര്‍ അസോസിയേഷന്‍ ഓഫ് കേരളയുടെ ജില്ലാ കണ്‍വന്‍ഷനും കുടുംബസംഗമവും മന്ത്രി ഡോ. കെ.ടി ജലീല്‍ ഉദ്ഘാടനം ചെയ്തു. പൈങ്കണ്ണൂര്‍ താജ് ഓഡിറ്റോറിയത്തില്‍ നടന്ന പരിപാടിയില്‍ പ്രസിഡന്റ് കൃഷ്ണന്‍ തച്ചനത്ത് അധ്യക്ഷനായി.
സംസ്ഥാന ട്രഷറര്‍ പി.എച്ച് ഇഖ്ബാല്‍ ധനസഹായ വിതരണം ചെയ്തു. വാര്‍ഡ് കൗണ്‍സിലര്‍ ടി.പി അബ്ദുല്‍ ഗഫൂര്‍, എ.വി ജോസഫ്, നൗഷാദ് അത്തിപ്പറ്റ, നാസര്‍ അത്തിപ്പറ്റ, നാസര്‍ അലിഫ്, ഷറഫുദ്ദീന്‍ വെളിയംകോട്, സാലിഹ് സംഗീത്, ഇക്ബാല്‍ തിരൂര്‍ സംസാരിച്ചു.
രാവിലെ സൈഫുദ്ദീന്‍ പാടത്ത് പതാക ഉയര്‍ത്തി. പ്രതിനിധി സമ്മേളനം സംസ്ഥാന ജനറല്‍ സെക്രട്ടറി എം.ആര്‍ രാജശേഖരന്‍ ഉദ്ഘാടനം ചെയ്തു. സി.എ ബാവ അധ്യക്ഷനായി. ആന്റോ പാലയൂര്‍, ആദിത്യദാസ്, ഫൈസല്‍, രാജന്‍, ശരത് കുമാര്‍, കോയക്കുട്ടി തിരൂര്‍ സംസാരിച്ചു. കുടുംബസംഗമം പ്രൊഫ. കെ.കെ ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു.ബീരാന്‍കുട്ടി ഹാജി അധ്യക്ഷനായി. റഹീം കുഴിപ്പുറം മുഖ്യപ്രഭാഷണം നടത്തി. ബ്രൈറ്റ് സെയ്ഫുദ്ദീന്‍, ഫര്‍ഹാന്‍, സലീം വളാഞ്ചേരി, കുഞ്ഞിപ്പ മുബാറക്, എ.കെ.എം ബഷീര്‍, യൂസഫ് സംസാരിച്ചു.
സമാപന സമ്മേളനം സംസ്ഥാന പ്രസിഡന്റ് റോബര്‍ട്ട് മാത്യു ഉദ്ഘാടനം ചെയ്തു. ഹമീദ് പാണ്ടികശാല, രാജിവ് കുറവിലങ്ങാട്, ജയകുമാര്‍, ടി.പി പ്രകാശ്, ഇ.ജെ ജോബ്, എ.എം.എ റഷീദ്, സെയ്ഫുദ്ദീന്‍ പാടത്ത്, ബാബു, ജാഫര്‍ സംസാരിച്ചു.