പുലാമന്തോള്‍: കുന്തിപ്പുഴ സംരക്ഷിക്കുക എന്ന ലക്ഷ്യത്തോടെ പുഴയിലെ പ്ലാസ്റ്റിക് മാലിന്യങ്ങള്‍ ജെ.സി.ഐ പുലാമന്തോള്‍ ചാപ്റ്ററിന്റെ ആഭിമുഖ്യത്തില്‍ നീക്കം ചെയ്തു. ജലസംരക്ഷണം എന്ന സന്ദേശവുമായി നടപ്പാക്കുന്ന ജല ഹസ്തം 2017ന്റെ ഭാഗമായാണ് പരിപാടി സംഘടിപ്പിച്ചത്.
പുലാമന്തോള്‍, വിളയൂര്‍ പഞ്ചായത്തുകളുടെ കുടിവെള്ള സ്രോതസായ കുന്തിപ്പുഴ പ്ലാസ്റ്റിക് മാലിന്യങ്ങളാല്‍ വീര്‍പ്പുമുട്ടുന്ന അവസ്ഥയിലായിരുന്നു. പഞ്ചായത്ത് പ്രസിഡന്റ് വി.പി മുഹമ്മദ് ഹനീഫ ഉദ്ഘാടനം ചെയ്ത പരിപാടിയില്‍ ഹാരിസ് അധ്യക്ഷനായി. സക്കീര്‍, അഷ്‌റഫലി, ഷാജി, ജാഫര്‍, ഹംസ, ബാബു, കിഷോര്‍ നേതൃത്വം നല്‍കി.