മൂന്നാര്‍: വീട്ടില്‍ മദ്യവില്‍പന നടത്തിയയാള്‍ അറസ്റ്റില്‍. കണ്ണന്‍ ദേവന്‍ കമ്പനി ഗുണ്ടുമല അപ്പര്‍ ഡിവിഷനില്‍ മുത്തയ്യ (42) നെയാണ് എക്‌സൈസ് സംഘം അറസ്റ്റ് ചെയ്തത്. ശനിഴാഴ്ച രാത്രിയില്‍ എസ്റ്റേറ്റില്‍ നടത്തിയ പരിശോധനയിലാണ് പ്രതി പിടിയിലായത്. മൂന്നാറിലെ സര്‍ക്കാര്‍ മദ്യഷാപ്പുകളില്‍ നിന്നും വാങ്ങുന്ന മദ്യം വീട്ടിലെത്തിച്ച് ആവശ്യക്കാര്‍ക്ക് നല്‍കുന്നതായി എക്‌സൈസ് ഇന്‍സ്‌പെക്ടര്‍ പി.ആര്‍ ലാലുവിന് രഹസ്യവിവരം ലഭിച്ചിരുന്നു. തുടര്‍ന്ന് എസ്റ്റേറ്റില്‍ പ്രവന്റീവ് ഓഫിസര്‍മാരായ എം.സി അനില്‍, ഇ.എച്ച് യൂനുസ്, സിവില്‍ എക്‌സൈസ് ഓഫിസര്‍മാരായ ബാലസുബ്രഹ്മണ്യന്‍, ഷിജോ അഗസ്റ്റിന്‍ എന്നിവര്‍ നടത്തിയ പരിശോധനയിലാണ് ഇയാള്‍ പിടിയിലായത്. കോടതിയില്‍ ഹാജരാക്കി പ്രതിയെ റിമാന്റ് ചെയ്തു.