ഡെറാഡൂണ്‍: സെല്‍ഫിയെടുക്കുന്നതിനിടെ മലയിടുക്കില്‍ വീണ് യുവാവിന് ദാരുണാന്ത്യം. ഡെറാഡൂണിലെ സ്വകാര്യ യൂണിവേഴ്‌സിറ്റിയില്‍ ഒന്നാം വര്‍ഷ വിദ്യാര്‍ഥിയായ മുനീര്‍ അഹമ്മദ (22) ആണ് മരിച്ചത്. ഡെറാഡൂണ്‍ മുസോരി റോഡിലാണ് അപകടമുണ്ടായത്.

സുഹൃത്തിന്റെ കൂടെ യാത്രക്കിറങ്ങിയ മുനീര്‍ മലയിടുക്കില്‍ നിന്നുകൊണ്ട് സെല്‍ഫി എടുക്കാനായി ഇറങ്ങുകയായിരുന്നു. ഇതിനിടെ യുവാവ് കാലു തെന്നി 50 അടി താഴ്ചയിലേക്ക് വീഴുകയായിരുന്നു.

അപകടത്തിനു ശേഷം സുഹൃത്തും സമീപവാസികളും ചേര്‍ന്ന് രണ്ടു മണിക്കൂറോളം നടത്തിയ തിരച്ചിലിനു ശേഷമാണ് മുനീറിന്റെ മൃതദേഹം കണ്ടെത്താന്‍ സാധിച്ചത്.