ജിദ്ദ: നിയമ ലംഘനം നടത്തിയ 24,600 സ്ഥാപനങ്ങള്‍ കഴിഞ്ഞ വര്‍ഷം അടച്ചുപൂട്ടിയതായി ഗ്രാമ മന്ത്രാലയം. ഇതില്‍ ഏറ്റവും കൂടുതല്‍ സ്ഥാപനങ്ങള്‍ അടപ്പിച്ചത് മദീനയിലാണ്. നിയമലംഘനത്തെ തുടര്‍ന്ന് കഴിഞ്ഞ വര്‍ഷം 24,631 സ്ഥാപനങ്ങള്‍ സഊദിയുടെ വിവിധ ഭാഗങ്ങളിലായി അടച്ചുപൂട്ടിയതായി മുനിസിപ്പല്‍ഗ്രാമ മന്ത്രാലയമാണ് അറിയിച്ചത്.


പരിശോധനയെ തുടര്‍ന്ന് 1,80,097 സ്ഥാപനങ്ങള്‍ക്ക് മുന്നറിയിപ്പു നല്‍കുകയും 2,100,713 റിയാല്‍ പിഴയായി ഈടാക്കുകയും ചെയ്തതായി മന്ത്രാലയ വക്താവ് ഹമദ് സഈദ് അല്‍അംറ് പറഞ്ഞു.

സഊദിയുടെ വിവിധ ഭാഗങ്ങളിലുള്ള 8,35,464 സ്ഥാപനങ്ങളിലാണ് പരിശോധന നടന്നത്. നിയമ ലംഘനത്തെ തുടര്‍ന്ന് ഏറ്റവും കുടുതല്‍ സ്ഥാപനങ്ങള്‍ അടച്ചുപൂട്ടിയത് മദീനയിലാണ്. 4,787 സ്ഥാപനങ്ങളാണ് ഇവിടെ അടച്ചത്. റിയാദില്‍ 4,292ഉം അസീറില്‍ 2,300ഉം തബുക്കില്‍ 2,236 ഉം മറ്റു വിവിധ സ്ഥലങ്ങളിലായി 1,699 സ്ഥാപനങ്ങളും അടച്ചുപൂട്ടിയതായും മന്ത്രാലയം അറിയിച്ചു.