കൊല്ലം: കേരളാ അറബിക് മുന്‍ഷീസ് അസോസിയേഷന്‍ 65ാം സംസ്ഥാനസമ്മേളനം എട്ട്, ഒന്‍പത് തിയതികളില്‍ കൊല്ലം കര്‍ബലയില്‍ നടക്കുമെന്ന് സംസ്ഥാന ജനറല്‍ സെക്രട്ടറി ഇടവം ഖാലിദ്കുഞ്ഞ്, സ്വാഗതസംഘം ജനറല്‍കണ്‍വീനര്‍ അന്‍വര്‍ എ പള്ളിക്കല്‍, എം സലാഹുദ്ദീന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. എട്ടിന് രാവിലെ 10ന് നടക്കുന്ന തലമുറസംഗമം കേരളാ മുസ്‌ലിം ജമാഅത്ത് ഫെഡറേഷന്‍ സംസ്ഥാനപ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി ഉദ്ഘാടനം ചെയ്യും. അബ്ദുല്‍സലാം കണ്ണനല്ലൂര്‍ അധ്യനാകും.
ഉച്ചയ്ക്ക് മൂന്നിന് പ്രതിനിധിസമ്മേളനം അസോസിയേഷന്‍ സംസ്ഥാന ജനറല്‍സെക്രട്ടറി ഇടവം ഖാലിദ്കുഞ്ഞ് ഉദ്ഘാടനം ചെയ്യും. വൈകിട്ട് അഞ്ചിന് സംസ്ഥാനജനറല്‍ കൗണ്‍സില്‍ നടക്കും. സമ്മേളനം ഒന്‍പതിന് രാവിലെ മന്ത്രി ജെ മേഴ്‌സിക്കുട്ടിയമ്മ ഉദ്ഘാടനം ചെയ്യും. സംസ്ഥാന പ്രസിഡന്റ് അബ്ദുല്‍ ലത്തീഫ് ബിസ്മല അധ്യക്ഷനാകും. എം നൗഷാദ് എം.എല്‍.എ മുഖ്യപ്രഭാഷണവും കോവൂര്‍ കുഞ്ഞുമോന്‍ എം.എല്‍.എ സുവനീര്‍ പ്രകാശനവും നിര്‍വഹിക്കും. 11.30ന് വിദ്യാഭ്യാസ സമ്മേളനം മുല്ലക്കര രത്‌നാകരന്‍ എം.എല്‍.എ ഉദ്ഘാടനം ചെയ്യും. മേയര്‍ വി രാജേന്ദ്രബാബു മുഖ്യപ്രഭാഷണം നടത്തും. സി.എച്ച് മുഹമ്മദ്‌കോയ അവാര്‍ഡ് കെ.പി.സി.സി വൈസ് പ്രസിഡന്റ് എം.എം ഹസന്‍ സമ്മാനിക്കും. ഉച്ചയ്ക്ക് രണ്ടിന് വനിതാസമ്മേളനം കൊല്ലം ജില്ലാപഞ്ചായത്ത് പ്രസിഡന്റ് കെ ജഗദമ്മ ഉദ്ഘാടനം ചെയ്യും. കൊല്ലം ഡി.സി.സി പ്രസിഡന്റ് ബിന്ദു കൃഷ്ണ മുഖ്യപ്രഭാഷണം നടത്തും. ലൈലാ ബീവി അധ്യക്ഷയാകും. വൈകിട്ട് മൂന്നിന് അറബിക് സാഹിത്യസമ്മേളനം അറബിക് മുന്‍ഷീസ് അസോ. മുന്‍ സംസ്ഥാന ജനറല്‍സെക്രട്ടറി എം.എസ് മൗലവി ഉദ്ഘാടനം ചെയ്യും. സംസ്ഥാന അറബിക് സ്‌പെഷല്‍ ഓഫിസര്‍ വി.എം സൈനുദ്ദീന്‍ മുഖ്യപ്രഭാഷണം നടത്തും. തുടര്‍ന്നു യാത്രയയപ്പ് സമ്മേളനവും നടക്കും.