ചേളാരി: സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റായി കെ.ടി. ഹംസ മുസ്‌ലിയാരേയും ജനറല്‍ സെക്രട്ടറിയായി കൊട്ടപ്പുറം കെ.എം. അബ്ദുല്ല മാസ്റ്ററേയും ട്രഷററായി പാണക്കാട് സയ്യിദ് ഹമീദലി ശിഹാബ് തങ്ങളേയും തെരഞ്ഞെടുത്തു. സമസ്താലയത്തില്‍ ചേര്‍ന്ന സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ വാര്‍ഷിക കൗണ്‍സില്‍ യോഗത്തില്‍ വച്ചാണ് പുതിയ ഭാരവാഹികളെ തെരഞ്ഞെടുത്തത്. കെ.മമ്മദ് ഫൈസി തിരൂര്‍ക്കാട്, സയ്യിദ് കെ.പി.പി. തങ്ങള്‍ കണ്ണൂര്‍, മെട്രോ മുഹമ്മദ് ഹാജി കാസര്‍കോട്, പി.എ. ജബ്ബാര്‍ ഹാജി എളമരം, എം. അബ്ദുല്‍റഷീദ് കൊല്ലം എന്നിവര്‍ വൈസ്പ്രസിഡന്റുമാരാണ്. കെ.കെ.എസ്. തങ്ങള്‍ വെട്ടിച്ചിറ വര്‍ക്കിങ് സെക്രട്ടറിയും കെ.പി. കോയ കുറ്റിക്കാട്ടൂര്‍, പി.കെ. ഷാഹുല്‍ഹമീദ് മാസ്റ്റര്‍ മേല്‍മുറി, എം.എ. ഖാദര്‍ വെളിമുക്ക്, ഹാജി പി. സാദാലിയാഖത്തലി ഖാന്‍ മണ്ണാര്‍ക്കാട്, പുറങ്ങ് മൊയ്തീന്‍ മുസ്‌ലിയാര്‍ എന്നിവര്‍ സെക്രട്ടറിമാരും കെ.എം. കുട്ടി എടക്കുളം ഓര്‍ഗനൈസിങ് സെക്രട്ടറിയുമാണ്.
പ്രസിഡന്റായി തെരഞ്ഞെടുക്കപ്പെട്ട കെ.ടി. ഹംസ മുസ്‌ലിയാര്‍ വയനാട് കാലിക്കുനി സ്വദേശിയും സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗവുമാണ്. നിലവില്‍ എസ്.കെ.എം.എം.എ വൈസ് പ്രസിഡന്റായിരുന്നു.
സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനായി. കെ.ടി. ഹംസ മുസ്‌ലിയാര്‍, കെ. ഉമര്‍ ഫൈസി മുക്കം, സയ്യിദ് സാബിഖലി ശിഹാബ് തങ്ങള്‍, പി.എ. ജബ്ബാര്‍ ഹാജി, അബ്ദുസ്സമദ് പൂക്കോട്ടൂര്‍, കെ.കെ.എസ് തങ്ങള്‍ വെട്ടിച്ചിറ, കെ.പി.പി. തങ്ങള്‍, എസ്.കെ. ഹംസ ഹാജി, കൊടക് അബ്ദുറഹിമാന്‍ മുസ്‌ലിയാര്‍, എം.എ. ചേളാരി, പി.കെ. ഷാഹുല്‍ഹമീദ് മാസ്റ്റര്‍, കാളാവ് സൈദലവി മുസ്‌ലിയാര്‍, കെ.പി. കോയ, മുഹമ്മദ് ഹനീഫ അന്തമാന്‍, കെ.എച്ച്. കോട്ടപ്പുഴ, എ.പി.പി. തങ്ങള്‍ കാപ്പാട്, ഹസന്‍ സഖാഫി പൂക്കോട്ടൂര്‍, പി. മാമുക്കോയ ഹാജി, എന്‍.കെ. അബൂബക്കര്‍, എം. അബ്ദുറഷീദ്, എം.പി. മുഹമ്മദ് മുസ്‌ലിയാര്‍, കെ.കെ. ഇബ്രാഹീം മുസ്‌ലിയാര്‍, എം.എം. ഇമ്പിച്ചിക്കോയ മുസ്‌ലിയാര്‍, എം. മുഹമ്മദ് ബഷീര്‍, സി.എ. ഷുക്കൂര്‍ മാസ്റ്റര്‍, ഇബ്‌റാഹീം ഫൈസി തിരൂര്‍ക്കാട്, കെ.എം. കുട്ടി എടക്കുളം, എ.കെ.കെ. മരക്കാര്‍, പുറങ്ങ് മൊയ്തീന്‍ മുസ്‌ലിയാര്‍, ഒ.എം. ശരീഫ് ദാരിമി, സി.പി.എം. ബഷീര്‍ ഹാജി കുടക്, മൊയ്തീനബ്ബ ഹാജി ദക്ഷിണ കന്നട, എം. കുഞ്ഞാവ ഹാജി നീലഗിരി, കെ. മുഹമ്മദ് ബ്‌നു ആദം, കണ്ണൂര്‍ അബ്ദുല്ല മാസ്റ്റര്‍, എ.ടി.എം. കുട്ടി ഉള്ളണം പ്രസംഗിച്ചു. ജനറല്‍ സെക്രട്ടറി കെ.എം. അബ്ദുല്ല മാസ്റ്റര്‍ കൊട്ടപ്പുറം സ്വാഗതവും സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ നന്ദിയും പറഞ്ഞു.