സിനായി: ഈജിപ്ഷ്യന്‍ സൈന്യം 14 ഭീകരരെ പേരെ വധിച്ചു. സിനായിയില്‍ വച്ച് 14 ദേശ്ടക്ഫിരി ഭീകരരെയാണ് സൈന്യം വധിച്ചത്. നിരവധി ആയുധങ്ങളും ആശയവിനിമയ ഉപകരണങ്ങളും ഭീകരരില്‍ നിന്നും സൈന്യം പിടിച്ചെടുത്തു. അഞ്ചു ദിവസങ്ങള്‍ക്കൊടുവില്‍ നീണ്ടുനിന്ന പോരാട്ടത്തിനൊടുവിലാണ് സൈന്യം ഭീകരരെ വധിച്ചത്. മൂന്ന് കാര്‍ ബോംബുകളും പത്തോളം സ്‌ഫോടകവസ്തുക്കളും നിര്‍വീര്യമാക്കിയതായും സൈനിക വക്താവ് അറിയിച്ചു.

2014ല്‍ 33 സൈനികരുടെ മരണത്തിനിടയായ ഭീകരാക്രമണത്തെ തുടര്‍ന്നു സിനായിയില്‍ അടിയന്തരാവസ്ഥ നിലനില്‍ക്കുകയാണ്. ഭീകരര്‍ നിരന്തരമായി പ്രദേശത്ത് സ്‌ഫോടനങ്ങളും സര്‍ക്കാര്‍ വിരുദ്ധ പ്രവര്‍ത്തനങ്ങളും നടത്തിവരികയാണ്.