തിരുവനന്തപുരം: വികസന ചരിത്രത്തില്‍ ഒരുമയുടെ പുതിയ സൂര്യോദയമാണ് ലോക കേരള സഭയുടെ രൂപീകരണത്തോടെ കേരളത്തിന് ലഭിച്ചിരിക്കുന്നതെന്ന് സ്പീക്കര്‍ പി.ശ്രീരാമകൃഷ്ണന്‍. രണ്ട് ദിവസം നീണ്ടുനിന്ന പ്രഥമ യോഗ നടപടികള്‍ അവസാനിപ്പിച്ച് സംസാരിക്കുകയായിരുന്നു അദ്ദേഹം.
ഭരണപക്ഷവും പ്രതിപക്ഷവും സഭാ രൂപീകരണത്തിന് ഒരുമിച്ചു എന്നത് പ്രവാസികള്‍ക്ക് ഏറെ അഭിമാനിക്കാവുന്ന കാര്യമാണ്. സമയക്ലിപ്തതയോടെ സഭാനടപടികള്‍ പൂര്‍ത്തിയാക്കാന്‍ സഹായിച്ചതില്‍ അംഗങ്ങളെ സ്പീക്കര്‍ അഭിനന്ദിച്ചു.