റിയാദ്: രണ്ടണ്ടു ദിവസത്തിനകം നാട്ടില്‍ പോകാനിരുന്ന മലപ്പുറം സ്വദേശിക്ക് അപകടത്തില്‍ ഗുരുതര പരുക്ക്. മലപ്പുറം കിഴിശ്ശേരി ഒഴുകൂര്‍ സ്വദേശി കാരാട്ട് ചാലില്‍ മുഹമ്മദി (56) നെയാണ് വാഹനാപകടത്തില്‍ പരുക്കേറ്റ് ഖമീസ് മുശൈത് സൈനിക ആശുപത്രിയില്‍ പ്രവേശിപ്പിച്ചത്.
വാരിയെല്ലിനും കാലുകള്‍ക്കും ക്ഷതമേറ്റിട്ടുണ്ട്. നെഞ്ചിനും ആന്തരായവയവങ്ങള്‍ക്കും പരുക്കേറ്റിട്ടുണ്ടെണ്ടന്ന് ആശുപത്രി വൃത്തങ്ങള്‍ പറഞ്ഞു. ഖമീസ് മുശൈത് എയര്‍ബേസിനടുത്തുള്ള ഖര്‍മൂഷി റെസ്‌റ്റോറന്റ് ജീവനക്കാരനാണ് ഇദ്ദേഹം. നാട്ടില്‍ പോകാനുള്ള ഒരുക്കത്തിനിടെ വാങ്ങിയ സാധനങ്ങളുമായി റോഡ മുറിച്ചുകടക്കുന്നതിനിടെ പാകിസ്താന്‍ സ്വദേശി ഓടിച്ചിരുന്ന വാഹനം അമിതവേഗതയിലെത്തി ഇടിച്ചുതെറിപ്പിച്ചാണ് അപകടം.
അഞ്ചു മക്കളുടെ പിതാവായ ഇദ്ദേഹം 22 വര്‍ഷമായി ഖര്‍മൂഷി കമ്പനിയില്‍ ജോലിക്കാരനാണ്.