കോഴിക്കോട്: അസോസിയേഷന്‍ ഓഫ് സമസ്ത മൈനോരിറ്റി ഇന്‍സ്റ്റിറ്റിയൂഷന്‍സ് (അസ്മി ) മൂന്നാംഘട്ട ടീച്ചേഴ്‌സ് ട്രെയ്‌നിങ് കോഴ്‌സ് വരക്കല്‍ അല്‍ബിര്‍റ് ഓഡിറ്റോറിയത്തില്‍ നടന്നു. സുപ്രഭാതം എക്‌സിക്യൂട്ടീവ് എഡിറ്റര്‍ എ. സജീവന്‍ ഉദ്ഘാടനം ചെയ്തു. അസ്മി സംസ്ഥാന സെക്രട്ടറി നവാസ് ദാരിമി ഓമശ്ശേരി അധ്യക്ഷനായി. റഷീദ് കംബളക്കാട്, പി. രാഗേഷ് സംസാരിച്ചു. ട്രെയ്‌നിങ് കോഴ്‌സിന് റമീന ഷമീര്‍ നേതൃത്വം നല്‍കി. മജീദ് പറവണ്ണ സ്വാഗതവും എ. മുഹമ്മദലി നന്ദിയും പറഞ്ഞു.
വാര്‍ഷിക ജനറല്‍ബോഡി 18ന് രാവിലെ 11ന് വെളിമുക്ക് ക്രസന്റ് റസിഡന്‍ഷ്യല്‍ സ്‌കൂളില്‍ നടക്കും.
പാണക്കാട് സയ്യിദ് അബ്ബാസലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, അബ്ദുല്‍ ഹമീദ് ഫൈസി അമ്പലക്കടവ്, ഡോ.എന്‍.എ.എം അബ്ദുല്‍ ഖാദര്‍, കെ. മോയിന്‍കുട്ടി മാസ്റ്റര്‍, കെ.എം അബ്ദുല്ല മാസ്റ്റര്‍, യു. ശാഫി ഹാജി, എം.എ ചേളാരി, ഹാജി പി.കെ മുഹമ്മദ്, കെ.കെ.എസ് തങ്ങള്‍, പി.വി മുഹമ്മദ് മൗലവി, റഹീം ചുഴലി എന്നിവര്‍ സംബന്ധിക്കും. അസ്മിയില്‍ രജിസ്റ്റര്‍ചെയ്ത മുഴുവന്‍ സ്‌കൂള്‍ പ്രതിനിധികളും ജനറല്‍ബോഡിയില്‍ സംബന്ധിക്കണം.