കാസര്‍കോട്: മൂന്നുദിവസം മുന്‍പ് ജയിലില്‍ നിന്നിറങ്ങിയ യുവാവിനെ വെട്ടിക്കൊന്നു. മംഗളൂരു ജെപ്പു കുണ്ടാപ്പാടിയിലെ ഇല്ല്യാസിനെയാണ് കൊലപ്പെടുത്തിയത്. ഇയാള്‍ താമസിക്കുന്ന ഫ്‌ളാറ്റില്‍ കയറി വെട്ടിക്കൊല്ലുകയായിരുന്നു. തുടര്‍ന്ന് അക്രമികള്‍ രക്ഷപ്പെട്ടു.
ഇന്നലെ രാവിലെ ആറോടെ ഇല്ല്യാസും ഭാര്യയും താമസിക്കുന്ന ഫ്‌ളാറ്റിലെത്തിയ അക്രമിസംഘം ബെല്ലടിച്ച് വാതില്‍ തുറപ്പിച്ചശേഷം അകത്തുകയറി വെട്ടുകയായിരുന്നു.
വിവരമറിഞ്ഞ് സ്ഥലത്തെത്തിയ നാട്ടുകാര്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഒരു കൊലക്കേസിലടക്കം 18ഓളം കേസുകളില്‍ പ്രതിയാണ് ഇല്ല്യാസെന്ന് പൊലിസ് പറഞ്ഞു.