ആലപ്പുഴ: ജില്ലാകലക്ടറുടെ പൊതുജന പരാതി പരിഹാര പരിപാടിയായ സേവനസ്പര്‍ശത്തിന് തുടക്കമായി.
കലക്ട്രേറ്റില്‍ ജില്ല കളക്ടര്‍ വീണ എന്‍.മാധവന്‍ നേരിട്ട് പരാതികള്‍ സ്വീകരിച്ച് പദ്ധതിക്ക് തുടക്കം കുറിച്ചു. ജില്ലയിലെ സര്‍ക്കാര്‍ സംവിധാനങ്ങളുമായി ബന്ധപ്പെട്ടുള്ള എല്ലാത്തരം പരാതികളും മറ്റ് ആക്ഷേപങ്ങളും സ്വീകരിച്ച് എത്രയും പെട്ടെന്ന് പരിഹാരം കാണുക എന്ന ലക്ഷ്യത്തോടെയാണ് കളക്ടറുടെ നേരിട്ടുള്ള മേല്‍നോട്ടത്തില്‍ പദ്ധതി ആരംഭിച്ചത്.ഫെബ്രുവരി 20ാം തിയതിവരെ എല്ലാ താലൂക്ക് ഓഫീസുകളിലും ആര്‍.ഡി.ഒ ഓഫീസുകളിലും കലക്ട്രേറ്റിലും അപേക്ഷകള്‍ സ്വീകരിക്കും. കൂടാതെ ംംം.രെമഹു.ശി എന്ന വെബ്‌സൈറ്റിലേക്ക് ഓണ്‍ലൈനായും അപേക്ഷകള്‍ സമര്‍പ്പിക്കാം.
സേവന സ്പര്‍ശത്തിലേക്ക് ലഭിക്കുന്ന എല്ലാ അപേക്ഷകളിലും പരാതികളിലും സാധ്യമായ എല്ലാ നടപടികളും അടിയന്തിരമായി സ്വീകരിക്കുമെന്ന് ജില്ലാ കളക്ടര്‍ വീണ എന്‍.മാധവന്‍ അറിയിച്ചു. പരാതികളിന്‍മേല്‍ സ്വീകരിച്ച നടപടി പരാതിക്കാരനെ നേരിട്ട് അറിയിക്കും.
പരാതികളില്‍ നാലുദിവസത്തിനകം നടപടി സ്വീകരിക്കണമെന്ന് ജില്ലാ കളക്ടര്‍ വകുപ്പുമേധാവികള്‍ക്ക് നിര്‍ദ്ദേശം നല്‍കിയിട്ടുണ്ട്.
പരാതികള്‍ സ്വീകരിക്കുന്നതിനായി താലൂക്ക് ഓഫീസുകളിലും ആര്‍.ഡി.ഒ ഓഫീസുകളിലും കളക്ട്രേറ്റിലും കൗണ്ടറുകള്‍ പ്രവര്‍ത്തിക്കും. പരാതിക്കാര്‍ക്ക് കൈപ്പറ്റ് രസീത് നല്‍കുന്നതായിരിക്കും.