അമ്പലപ്പുഴ: ചാരയവും വാറ്റ് ഉപകരണങ്ങളുമായി രണ്ട് യുവാക്കള്‍ പിടിയില്‍.
പുന്നപ്ര വടക്ക് പഞ്ചായത്ത് പതിനാലാം വാര്‍ഡില്‍ വെളിംപറമ്പ് വീട്ടീല്‍ സുരേഷ് ബാബുവിന്റെ മകന്‍ ശ്യാം ബാബു (24), പതിനാലാം വാര്‍ഡില്‍ വാടക്കല്‍ കാട്ടുങ്കല്‍ വെളിയില്‍ മോഹനന്റെ മകന്‍ വിഷ്ണുമോഹന്‍ (24) എന്നിവരെയാണ് പുന്നപ്ര എസ്.ഐ ശിവപ്രസാദിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. പ്രതികള്‍ വീട്ടില്‍ ചാരായം വാറ്റുന്നുവെന്ന രഹസ്യ വിവരത്തെതുടര്‍ന്ന് സ്ഥലത്തെത്തിയ പൊലീസ് നടത്തിയ പരിശോധനയില്‍ മൂന്നു ലിറ്റര്‍ ചാരായവും വാറ്റു ഉപകരണങ്ങളും കണ്ടെടുത്തു.
പൊലീസ് ഓഫീസര്‍മാരായ അഗസ്റ്റിന്‍, സിദ്ധീക്ക്, സജീവ്, ലെജുമോന്‍, കുഞ്ഞുമോന്‍ എന്നിവരും സംഘത്തില്‍ ഉണ്ടായിരുന്നു.മാവേലിക്കര കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്റ് ചെയ്തു.