ഇസ്താംബുള്‍: തുര്‍കി മധ്യനിര താരം ആര്‍ദ ടുറന്‍ ബാഴ്‌സലോണ വിട്ടു. തുര്‍കിഷ് ലീഗിലെ വമ്പന്‍മാരായാ ഇസ്താംബുള്‍ ബസക്‌സെഹിര്‍ താരത്തെ വായ്പാടിസ്ഥാനത്തില്‍ സ്വന്തമാക്കിയതായി സ്ഥിരീകരിച്ചു. ടുറനെ കൈമാറുന്നതുമായി ബന്ധപ്പെട്ട് ബാഴ്‌സലോണയുമായി കരാറിലെത്തിയതായി ക്ലബ് പുറത്തിറക്കിയ പ്രസ്താവനയില്‍ വ്യക്തമാക്കി. വായ്പാടിസ്ഥാനത്തില്‍ ടുറനെ ഒന്നര വര്‍ഷ കരാറിലാണ് ബാഴ്‌സലോണ വിട്ടുനല്‍കുന്നത്. 2015ലാണ് ടുറന്‍ അത്‌ലറ്റിക്കോ മാഡ്രിഡില്‍ നിന്ന് ബാഴ്‌സലോണയിലേക്ക് ചേക്കേറിയത്. നാല് സീസണുകളില്‍ അത്‌ലറ്റിക്കായി കളത്തിലിറങ്ങിയ ശേഷമാണ് താരം കറ്റാലന്‍ സംഘത്തില്‍ അംഗമായത്.