ന്യൂഡല്‍ഹി: ചീഫ് ജസ്റ്റിസ് ദീപക് മിശ്രയെ കാണുന്നതിന് മുന്നോടിയായി ബാര്‍ കൗണ്‍സില്‍ പ്രതിനിധികള്‍ ജസ്റ്റിസ് ചെലമേശ്വറുമായി കൂടിക്കാഴ്ച നടത്തി. സുപ്രിം കോടതിയിലെ പ്രതിസന്ധി തീര്‍ക്കുന്നതിനായാണ് കൗണ്‍സില്‍ പ്രതിനിധികള്‍ ചീഫ് ജ്സ്റ്റിസുമായി കൂടിക്കാഴ്ച നടത്തുന്നത്. രാത്രി 7:30നാണ് കൂടിക്കാഴ്ചയെന്നാണ് വിവരം.

കൂടാതെ സുപ്രിംകോടതിയിലെ മറ്റ് ജഡ്ജിമാരുമായും സമിതി കൂടികാഴ്ച നടത്തും. അവരുടെ അഭിപ്രായം കൂടി അറിഞ്ഞ ശേഷമേ പ്രശ്‌നം എങ്ങനെ പരിഹരിക്കണമെന്നത് സംബന്ധിച്ച് അന്തിമ തീരുമാനത്തിലെത്തു. ഫുള്‍കോര്‍ട്ട് വിളിച്ച് പ്രശ്‌നം പരിഹരിക്കണമെന്നാണ് ബാര്‍ കൗണ്‍സിലിന്റെ നിലപാട്.

വെള്ളിയാഴ്ചയാണ് ജസ്റ്റിസ് ജെ. ചേലമേശ്വര്‍, രഞ്ജന്‍ ഗഗോയ്, മദന്‍ ലോകുര്‍, കുര്യന്‍ ജോസഫ് എന്നിവര്‍ സുപ്രിം കോടതിയിലെ നടപടിക ക്രമങ്ങളില്‍ വിമര്‍ശനവുമായി എത്തിയത്. കേസുകള്‍ നല്‍കുന്നതിലുള്‍പ്പടെ  ചീഫ് ജസ്റ്റിസ് ദീപക് മിശ3ക്കെതിരെ ഗുരുതര ആരോപണങ്ങളാണ് ഇവര്‍ ഉയര്‍ത്തിയത്.