ന്യൂഡല്‍ഹി: ജറൂസലം വിഷയത്തില്‍ ഐക്യരാഷ്ട്ര സഭയില്‍ ഇന്ത്യ, ഇസ്‌റാഈലിനെതിരായി വോട്ടുചെയ്തത് ഇരുരാജ്യങ്ങളും തമ്മിലുള്ള ബന്ധത്തില്‍ വിള്ളലുണ്ടാക്കില്ലെന്ന് ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹു.

ലോകത്തില്‍ ഏറ്റവും കൂടുതല്‍ സാങ്കേതിക വൈദഗ്ധ്യമുള്ള രാജ്യമാണ് ഇസ്‌റാഈല്‍. രാജ്യത്തിനു നേരെ അടുത്ത കാലത്തുണ്ടായ 30 ഭീകരാക്രമണ ശ്രമങ്ങളെയാണ് രാജ്യം തകര്‍ത്തതെന്നും അദ്ദേഹം വ്യക്തമാക്കി. ഭീകരാക്രമണത്തെ പ്രതിരോധിക്കാന്‍ ഇന്ത്യയുമായി തോളോടുതോള്‍ ചേര്‍ന്ന് പ്രവര്‍ത്തിക്കാന്‍ ഇസ്‌റാഈല്‍ എപ്പോഴും ഒരുക്കമാണെന്നും നെതന്യാഹു പറഞ്ഞു.