കിളിമാനൂര്‍: വീടിന്റെ കാര്‍ ഷെഡില്‍ അനധികൃതമായി സൂക്ഷിച്ചിരുന്ന 150 ചാക്ക് അരിയും 50  ചാക്ക് ഗോതമ്പും ആറ്റിങ്ങല്‍ പൊലിസ് പിടിച്ചെടുത്തു.
എഫ് .സി .ഐ യുടെ മുദ്രയുള്ള ചാക്കില്‍ നിറച്ചിരിക്കുന്ന അരിയും ഗോതമ്പും റേഷന്‍ സാധനമാണന്നാണ് പ്രാഥമിക വിവരം .നഗരൂര്‍  ജുമുആ മസ്ജിദിനു എതിര്‍ വശം റസിയ ബീവിയുടെ മേലെവിള വീടിന്റെ  കാര്‍ ഷെഡില്‍ നിന്നാണ് ഇന്നലെ ഉച്ചയോടെ അരിയും ഗോതമ്പും പിടിച്ചെടുത്തു.  സഹോദര പുത്രന്റെ സുഹൃത്താണ്  അരിയും ഗോതമ്പും ഇവിടെ കൊണ്ടു വച്ചതെന്നാണ് റസിയ ബീവി പറയുന്നത്.
ആറ്റിങ്ങല്‍ ഡി .വൈ .എസ് . പി ക്ക് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ റെയ്ഡിലാണ് ഇവ പിടിച്ചെടുത്തത്. കേസ് രജിസ്റ്റര്‍ ചെയ്ത പൊലിസ്  അരിയും ഗോതമ്പും സിവില്‍ സപ്ലെ അധികൃതര്‍ക്ക് കൈമാറിയ ശേഷം ജില്ലാ കലക്ടര്‍ക്ക് റിപ്പോര്‍ട്ട് നല്‍കും.
ചിറയിന്‍കീഴ് താലൂക്കില്‍   റേഷന്‍ സാധനങ്ങള്‍ കരിഞ്ചന്തയിലേക്ക് കടത്തുന്നത് വ്യാപകമാണ്. ബി .പി .എല്‍ കാര്‍ഡുടമകള്‍ക്ക് സൗജന്യമായി വിതരണം ചെയേണ്ട അരിയാണ് ചില  ഉദ്യോഗസ്ഥരും ചില റേഷന്‍ മൊത്ത വ്യാപാരികളും  ചില  റേഷന്‍ ചില്ലറ വ്യാപാരികളും ചേര്‍ന്ന്  കരിഞ്ചന്തയിലേക്ക് കടത്തുന്നത്.പലപ്പോഴും കാര്‍ഡ് ഉടമകള്‍ക്ക് സാധനം കിട്ടാറില്ല .താലൂക്കിന്റെ വിവിധ ഭാഗങ്ങളില്‍ നിന്നും ഇതിനു മുമ്പും പലവട്ടം ഇത്തരത്തില്‍  അനധികൃത മായി സൂഷിചിരുന്ന അരിയും ഗോതമ്പും പിടികൂടിയിട്ടുണ്ട് .മിക്കപോഴും പ്രതികള്‍ രക്ഷപ്പെടുകയാണ് പതിവ്.