കഠിനംകുളം: ആയുര്‍വേദ മെഡിക്കല്‍ അസോസിയേഷന്‍ ഓഫ് ഇന്‍ഡ്യയുടെ ഈ വര്‍ഷത്തെ ഡോ.എന്‍.വി.കെ വാര്യര്‍ മെമ്മോറിയല്‍ ആയുര്‍വേദ പ്രചാരണ അവാര്‍ഡിന് ഡോ. ഷര്‍മദ് ഖാന്‍ അര്‍ഹനായി. ഭാരതീയ ചികിത്സാ വകുപ്പില്‍ ചേരമാന്‍ തുരുത്ത് ആയുര്‍വേദ ആശുപത്രിയില്‍ സീനിയര്‍ മെഡിക്കല്‍ ഓഫീസറായ ഡോ: ഷര്‍മദ് ഖാന്‍ കേരള സ്റ്റേറ്റ് ഗവ.ആയുര്‍വേദ മെഡിക്കല്‍ ഓഫീസേഴ്‌സ് അസോസിയേഷന്റെ സംസ്ഥാന ജനറല്‍ സെക്രട്ടറിയും ആയുര്‍വേദ ശാസ്ത്ര മാസികയായ ഫിസിഷ്യന്റെ ചീഫ് എഡിറ്ററുമാണ്.
വിവിധ അച്ചടി ശ്രവ്യ ദൃശ്യ മാധ്യമങ്ങളിലൂടെ ആയുര്‍വേദത്തെ പൊതു ജനങ്ങളിലെത്തിക്കുവാന്‍ നടത്തുന്ന പരിശ്രമങ്ങള്‍ക്കുള്ള അംഗീകാരമായി ലഭിച്ച അവാര്‍ഡ് കണ്ണൂരില്‍ വച്ച് ആരോഗ്യ വകുപ്പ് മന്ത്രി കെ.കെ.ശൈലജ ടീച്ചര്‍ കൈമാറി. തിരുവനന്തപുരം ജില്ലയില്‍ കഴക്കൂട്ടം സ്റ്റേഷന്‍കടവ് സ്വദേശിയായാണ്. ഭാര്യ: ശ്രീജ. ഫൈസല്‍ ഖാന്‍ ,ഫിറോസ് ഖാന്‍ എന്നിവര്‍ മക്കളാണ്.