ബൈറൂത്ത്: ലബനാനില്‍ കാര്‍ബോംബ് സ്‌ഫോടനത്തില്‍ ഹമാസ് നേതാവ് മുഹമ്മദ് ഹമദാന് പരുക്ക്. സിദോണ്‍ നഗരത്തില്‍ പ്രവേശിക്കുന്നതിനിടെ മുഹമ്മദ് ഹമദാന്റെ കാറ് ബോംബ് സഫോടനത്തില്‍ പൊട്ടിത്തെറിക്കുകയായിരുന്നു.
ലബനാനില്‍ ഹിസ്ബുല്ലയുടെ കീഴിലുള്ള അല്‍ മനാര്‍ ടെലിവിഷന്‍ മുഹമ്മദ് ഹമദാനെ തങ്ങളുടെ പ്രധാന വ്യക്തിയായി കഴിഞ്ഞ ദിവസം വിശേഷിപ്പിച്ചിരുന്നു. ഇതേതുടര്‍ന്ന് ഇദ്ദേഹത്തിന്റെ ജീവനു ഭീഷണിയുണ്ടായിരുന്നു. ബോംബ് സ്‌ഫോടനമുണ്ടായ പ്രദേശം സുരക്ഷാ ഉദ്യോഗസ്ഥരുടെ നിയന്ത്രണത്തിലാണെന്ന് ലബനാല്‍ സൈന്യം അറിയിച്ചു.
സ്‌ഫോടനത്തില്‍ മുഹമ്മദ് ഹമദാന്‍ സഞ്ചരിച്ച കാറ് പൂര്‍ണമായും തകര്‍ന്നു. നിസാരമായി പരുക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചതായി ഹമാസ് വക്താവ് അയ്മന്‍ ശാന പറഞ്ഞു.