ലിമ: തെക്കന്‍ അമേരിക്കന്‍ രാജ്യമായ പെറുവില്‍ വന്‍ ഭൂചലനത്തില്‍ രണ്ടു മരണം. 65ലേറെ പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. റിക്ടര്‍ സ്‌കെയിലില്‍ 7.1 തീവ്രത രേഖപ്പെടുത്തിയ ഭൂചലനമാണ് രാജ്യത്തുണ്ടായത്..
പ്രാദേശിക സമയം ഞായറാഴ്ച പുലര്‍ച്ചെ 4.18നായിരുന്നു തെക്കുപടിഞ്ഞാറന്‍ പെറുവിനെ പ്രകമ്പനം കൊള്ളിച്ച് കനത്ത ഭൂചലനമുണ്ടായത്. പസഫിക് സമുദ്രമാണ് ഭൂചലനത്തിന്റെ പ്രഭവകേന്ദ്രമെന്ന് യു.എസ് ജിയോളജിക്കല്‍ സര്‍വേ അറിയിച്ചു. ഇതിന്റെ പ്രകമ്പനം 32 കി.മീറ്റര്‍ അകലെ വരെ അനുഭവപ്പെട്ടു. പ്രഭവകേന്ദ്രത്തില്‍നിന്ന് 26 കി.മീറ്റര്‍ ദൂരത്തുള്ള ലോമാസ് നഗരത്തില്‍ വരെ ശക്തമായ പ്രകമ്പനമുണ്ടായതായി സര്‍ക്കാര്‍ വൃത്തങ്ങള്‍ പറഞ്ഞു.
ഭൂചലനമുണ്ടായ ഭാഗത്തെ ഖനിയില്‍നിന്ന് 17 പേരെ കാണാതായതായിട്ടുണ്ട്. ഇവിടെ രക്ഷാപ്രവര്‍ത്തനം നടക്കുന്നതായി പെറു ആരോഗ്യമന്ത്രി അബെല്‍ സാലിനാസ് അറിയിച്ചു.