കൊച്ചി:  ഉദയംപേരൂരില്‍ കോളജ് വിട്ടു വീട്ടിലേക്കു പോകുകയായിരുന്ന പെണ്‍കുട്ടിയെ നടുറോഡില്‍ യുവാവ് വെട്ടിപ്പരുക്കേല്‍പ്പിച്ചു.

പരുക്കേറ്റ പെണ്‍കുട്ടിയെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.

ഉദയംപേരൂര്‍ പത്താം മൈല്‍ ഇടമനയില്‍ അമ്പിളി (20)യെയാണ് വെട്ടേറ്റു ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചിരിക്കുന്നത്. നാലു വെട്ടുകള്‍ അമ്പിളിയുടെ ദേഹത്തുണ്ട്.

സംഭവവുമായി ബന്ധപ്പെട്ട് അയല്‍വാസിയായ അമല്‍ എന്ന യുവാവിനെ  പൊലിസ് കസ്റ്റഡിയിലെടുത്തു. യുവാവ് ശല്യപ്പെടുത്തുന്നതായി പെണ്‍കുട്ടി നേരത്തെ പൊലിസില്‍ പരാതി നല്‍കിയിരുന്നു.

തലയോലപ്പറമ്പ് ഡിബി കോളജ് വിദ്യാര്‍ഥിനിയാണ് അമ്പിളി.