കോഴിക്കോട്: യമാനീസ് അസോസിയേഷന്‍ സെന്‍ട്രല്‍ കമ്മിറ്റി സംഘടിപ്പിക്കുന്ന സമസ്ത കേരള ജംഇയ്യത്തുല്‍ ഉലമാ പ്രസിഡന്റും കുറ്റിക്കാട്ടൂര്‍ ജാമിഅ യമാനിയ്യ പ്രിന്‍സിപ്പലുമായ സയ്യിദ് മുഹമ്മദ് ജിഫ്്‌രി മുത്തുക്കോയ തങ്ങള്‍ക്കുള്ള സ്വീകരണവും പണ്ഡിതസംഗമവും ഇന്ന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും.
ഉച്ചക്ക് രണ്ടിന് നടക്കുന്ന പണ്ഡിത സംഗമം സയ്യിദ് കുഞ്ഞിസീതിക്കോയ തങ്ങള്‍ അല്‍ യമാനിയുടെ അധ്യക്ഷതയില്‍ സമസ്ത സെക്രട്ടറി എം.ടി അബ്ദുല്ല മുസ്്‌ലിയാര്‍ ഉദ്ഘാടനം ചെയ്യും. ചടങ്ങില്‍ റഹ്്മത്തുല്ലാഹ് അല്‍ ഖാസിമി മൂത്തേടം, ഒളവണ്ണ അബൂബക്കര്‍ ദാരിമി, ഹംസ ഫൈസി അല്‍ ഹൈതമി, സലീം ദാരിമി ചെര്‍ള തുടങ്ങിയവര്‍ സംബന്ധിക്കും.
നാലിന് നടക്കുന്ന സ്വീകരണ സമ്മേളനം ആര്‍.വി കുട്ടിഹസന്‍ ദാരിമിയുടെ അധ്യക്ഷതയില്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
അബ്ദുസ്സമദ് പൂക്കോട്ടൂര്‍, സയ്യിദ് ഹംസ ബാഫഖി തങ്ങള്‍, ഉമര്‍ ഫൈസി മുക്കം, നാസര്‍ കൂടത്തായി, സത്താര്‍ പന്തലൂര്‍, മിര്‍ഷാദ് യമാനി ചാലിയം, എം.സി മായിന്‍ ഹാജി, കെ.പി കോയ പങ്കെടുക്കും.