ബംഗളൂരു: ഇന്ത്യന്‍ പേസ് ബൗളര്‍ ഇഷാന്ത് ശര്‍മ, ഇംഗ്ലീഷ് ഏകദിന ക്യാപ്റ്റന്‍ ഇയാന്‍ മോര്‍ഗന്‍, മുന്‍ ആസ്‌ത്രേലിയന്‍ പേസ് ബൗളര്‍ മിച്ചല്‍ ജോണ്‍സന്‍ എന്നിവരുള്‍പ്പെടെ ഏഴോളം താരങ്ങള്‍ ഐ.പി.എല്‍ ലേലത്തില്‍ ഏറ്റവും അധികം അടിസ്ഥാന വിലയുളള താരങ്ങള്‍. ഐ.പി.എല്‍ താര ലേലം ഈ മാസം 20നു നടക്കാനിരിക്കെയാണു വില കൂടിയ താരങ്ങളുടെ പട്ടിക പുറത്തുവിട്ടത്. രണ്ട് കോടി രൂപയാണ് ഇവരുടെ അടിസ്ഥാന വില.
ഇംഗ്ലീഷ് ഓള്‍റൗണ്ടര്‍മാരായ ബെന്‍ സ്റ്റോക്‌സ്, ക്രിസ് വോഗ്‌സ്, ശ്രീലങ്കന്‍ നായകന്‍ എയ്ഞ്ചലോ മാത്യൂസ്, ഓസീസ് പേസ് ബൗളര്‍ പാറ്റ് കമ്മിന്‍സ് എന്നിവരാണ് വിലയേറിയ താരങ്ങളുടെ പട്ടികയിലുള്ള മറ്റുള്ളവര്‍. ഈ മാസം ഇരു പതിന് ബംഗളൂരുവില്‍ വെച്ചാണ് ഐ.പി.എല്‍ ലേലം നടക്കുന്നത്.
ഇംഗ്ലണ്ടിന്റെ ജോണി ബെയര്‍‌സ്റ്റോ, ന്യൂസിലന്‍ഡിന്റെ ട്രെന്‍ഡ് ബോള്‍ട്ട്, ആസ്‌ത്രേലിയയുടെ നഥാന്‍ ലിയോണ്‍, ബ്രാഡ് ഹാഡിന്‍, ദക്ഷിണാഫ്രിക്കയുടെ കെയ്ല്‍ അബോട്ട് വെസ്റ്റിന്‍ഡീസിന്റെ ജാസന്‍ ഹോള്‍ഡര്‍ എന്നിവര്‍ക്ക് ഒന്നരക്കോടി രൂപയാണ് അടിസ്ഥാന വില. 799 താരങ്ങളാണ് ഇത്തവണത്തെ ലേലത്തില്‍ രജിസ്റ്റര്‍ ചെയ്തിട്ടുളളത്. ഇതില്‍ 639 ഇന്ത്യന്‍ താരങ്ങളും 160 വിദേശ താരങ്ങളുമാണുള്ളത്. ലേലത്തില്‍ ഒരു ടീമിനു പരമാവധി 143.33 കോടി രൂപ മുടക്കാം.